L'escroc typique, li tappe casse dimoun mizere ou bien riche....enfin dans so triage pena cafe, oops c'est dans so cafe ki pena triage! Mais li roule dans BM ou Mercedes. Travailleur ki pe casse so lezo, transpire gros, travaille honete pou gagne so ti lavie, alors l'escroc gagne pou pas paye li ditout! Pas capave faire lagreve de la faim parceki quand travail pou l'escroc li pas faire contract narien mais plutot li faire gran gran promesse ki quand fini li pou paye toi. Quand arrive lheur pou paye ti travailleur honete, l'escroc zouer bourer, pli pauvre ki li pas ena, mais li toujour roule dans BM et Mercedes. L'escroc dire li pas ena casse pou payer mais li faire banne "Grand Dimoun" visite so chateau! Visiteur dire ena cavern Ali Baba ladans en plus BM, Merc ena RX8, Skyline tout...mais l'escroc dire toi ki toujour li pas ena casse pou rendre dimoune mizer et paye travailleur honete. Li faire grand grand promesse ki li dementi plitard, meme devant temoin. Ti dimoun mizere vende so banne bijoux pou donne l'escroc...mais grand erreur...ine trop tard pou realiser! Li doit dimoune gauche droite, gros gros dette lor so latete, mais li a l'aise, sa pas fatigue li, li ene pro, li continuer roule dans so BM! Faire Attention...a banne escroc, et banne escroc aussi faire attention quand zotte pou gagne traper...
No comments:
Post a Comment